Структура, режим работы
Дзяржаўная ўстанова адукацыі "Белавушская сярэдняя школа"
Значную ролю ў павышэнні якасці адукацыі адыгрывае матэрыяльна-тэхнічная база ўстановы адукацыі. Для ажыццяўлення адукацыйнага працэсу на агульнай плошчы 5480 кв.м. ва ўстанове адукацыі маецца 23 навучальныя кабінеты, кабінет інфарматыкі, бібліятэка, спартыўная зала, спартыўная пляцоўка, стадыён. У спартыўнай зале ёсць усё неабходнае абсталяванне для правядзення урокаў фізічнай культуры і здароўя.
Сацыяльныя стандарты ў установе адукацыі выконваюцца. Так, нарматыў бюджэтнай забяспечанасці расходаў на навучанне аднаго вучня склаў 17266862 рублёў. Сацыяльны стандарт забяспечанасці навучальнымі плошчамі – 8 кв.м. на аднаго вучня. Фактычнае выкананне гэтага нарматыву па установе адукацыі – 11 кв.м., што цалкам адпавядае норме. Нарматыў забяспечанасці вучняў пабудовамі спартыўнага прызначэння складае 0,53 кв.м. на аднаго вучня пры норме 0,5 кв.м. Сацыяльны стандарт забяспечанасці плоскасцевымі спартыўнымі збудаваннямі складае 1,62 кв.м. на аднаго вучня, фактычнае выкананне – 7 кв.м. Забяспечанасць вучняў персанальнымі камп’ютарамі складае 1 камп’ютар на 23 вучні.
Для забеспячэння вучняў гарачым харчаваннем маецца сталовая на 80 пасадачных месцаў. Ва установе 100% навучэнцаў забяспечаны гарачым харчаваннем. Санітарна-гігіенічныя нормы эксплуатацыі памяшканняў выконваюцца. Спраўна функцыянуюць ацяпляльная і каналізацыйная сістэмы, сістэма водазабеспячэння, выконваецца паветраны і цеплавы рэжымы. Гарачае водазабеспячэнне ажыццяўляюць электрычныя воданагравальнікі.
Медыцынскае абслугоўванне вучняў школы ажыццяўляецца на базе амбулаторыі аграгарадка Белавуша.
Для інфармацыйнага забеспячэння ў школе маецца 16 камп’ютараў, 7 прынтэраў, дзве мультымедыйныя ўстаноўкі. Працуе лакальная сетка. Сертыфікат карыстальніка інфармацыйнымі тэхналогій ў адукацыі маюць 13 педагогаў, у тым ліку тры ў раздзеле «Адміністрацыйная праца». Ва ўстанове адукацыі функцыянуе сайт і электронная пошта. Сайт выконвае інфармацыйна-асветніцкую функцыю, але неабходна актывізаваць сістэмную работу па забеспячэнню своечасовай трансляцыі актуальнага вопыту эфектыўнай педагагічнай практыкі на сайце ўстановы адукацыі.
Вядзецца праца па аснашчэнню ўстановы адукацыі сучаснай камп'ютэрнай тэхнікай. У кабінетах дырэктара, намесніка дырэктара па вучэбна-выхаваўчай рабоце, сакратара, настаўніцкай, устаноўлены і выкарыстоўваюцца ў кіраўніцкай дзейнасці персанальныя камп’ютары.
Кабінеты інфарматыкі, сакратара, намеснікаў дырэктара, бібліятэкі маюць доступ да сеткі Інтэрнэт з дапамогай шырокапалоснага злучэння ADSL.
Ва ўстанове для выкарыстання ў адукацыйным працэсе і кіраўніцкай дзейнасці маецца набор праграмных прадуктаў па розных напрамках, маюцца электронныя сродкі навучання па асобных вучэбных прадметах. Вядзецца журнал уліку электронных сродкаў навучання і часопіс уліку іх выкарыстання ў адукацыйным працэсе.
Ва ўстанове адукацыі створаны спрыяльныя ўмовы для ўсіх удзельнікаў адукацыйнага працэсу, паляпшаецца вучэбна-матэрыяльнае і інфармацыйнае забеспячэнне, выконваюцца нарматывы сацыяльных стандартаў. Але разам з тым патрабуе паляпшэння вучэбна-метадычная база і інфармацыйнае забеспячэнне кабінетаў геаграфіі, біялогіі, хіміі і бібліятэкі.
Аналіз стану вучэбна-матэрыяльнай базы, сацыяльна-бытавых умоў сведчыць, што ваўстанове адукацыі створаны неабходныя ўмовы для навучання і творчага развіцця удзельнікаў адукацыйнага працэсу, умацаванню здароўя вучняў.
Телефоны "горячих линий", телефоны доверия и справочных служб
