Тыдзень пачатковых класаў "Марафон ведаў"

26.10.2024

З 21.10 па 25.10.2024 года ў ДУА "Белавушская сярэдняя школа" праходзіў тыдзень пачатковых класаў "Марафон ведаў". Дэвіз тыдня "Веды! Творчасць! Сяброўства!". Для вучняў праводзілі мерапрыемствы ўсе настаўнікі пачатковых класаў, выхавацелі ГПД, дэфектолаг, псіхолаг, бібліятэкар школы, а таксама бацькі. Выкарыстоўвалі розныя формы мерапрыемстваў: конкурсы, віктарыны, турніры, інтэлектуальныя гульні. Для бацькоў правялі святочныя праграмы, майстар-класы. Вучні з цікавасцю прыймалі актыўны ўдзел.

Кожны вучань меў магчымасць раскрыцца і рэалізаваць свае творчыя і інтэлектуальныя магчымасці, праявіць уменне супрацоўнічаць з аднакласнікамі. Тыдзень пачатковых класаў прайшоў у атмасферы творчасці і супрацоўніцтва. Па заканчэнні тыдня былі падведзены вынікі. Самыя актыўныя ўдзельнікі былі ўзнагароджаны граматамі.